Қазақстан кәсіпқой футбол лигасы (ҚКФЛ) Шығыс Қазақстан облысының клубы екінші лига командалары арасындағы Қазақстан чемпионатына және 2021 жылғы маусымның ел кубогына қатыспайтынын ескертті, деп хабарлайды Prosports.kz.
Осы маусымда Шығыс Қазақстан облысының өкілі, ең болмағанда, Екінші лига турниріне қатысады деген үміт те қалмады. Федерация мен ойыншылар алдындағы қарыздарға байланысты осы аймақтағы клубтардың ҚКФЛ мен ҚФФ өткізетін жарыстарға қатысуына мораторий енгізілді.
Бір қызығы, ҚКФЛ-мен бұл туралы Altay Athletics клубының есепшісі Лунара Амантай сөйлескен.
Бұл аймақ Қазақстан футболының отаны екенін еске түсіру орынды болар еді. Алайда, кейінгі жылдары Шығыс Қазақстан облысында миллиондардың ойынын өлтіру үшін бәрі жасалды. Біріншіден, «Восток» келмеске кетті, енді «Алтай» да соның күйін кешпек, бұл клуб та жақсы нәтижесімен есте қалмады. Дау-дамайлар, жанжалдар, бюджет шығыны, ойыншылар алдындағы қарыздар, жоғары дивизионға көтерілуге деген ұмтылыс болмауы - Шығыс Қазақстан облысының клубы осымен ғана есте қалды.
Бұл тұста ҚКФЛ қағидасы үшін қуануға болады, бітпейтін уәдеге сенбей, бұл оқиғаның нүктесін қойды.
Бірақ өңірдегі футболды өлтірген шенеуніктер кесірінен қарапайым жанкүйерлер көбірек зардап шегіп отыр.
Ұсынамыз
Комментарии