ALTAY ATHLETICS клубының өкілі Нора Джеруто жаңажылдық BOclassic Raiffeisen New Year’s Eve Run жеңіл атлеттер жарысында үздіктер үштігіне енді, деп хабарлайды Prosports.kz.

Бұл ақпарат ұйымның сайтында пайда болды. Джеруто 10 шақырым қашықтықты 30:47 нәтижесімен жүгіріп өткен. Жарыс Италияның Больцано қаласында өтті.

Кениялық спортшы Кипкембой Челимо (30:43) жарыстың жеңімпазы атанды, оның отандасы Туйтоек Доркас Джепчирчир (30:44) - екінші орында.

Джеруто өткен жылдың қаңтарында Валенсияда (Испания) World Athletics Gold Label санатындағы 10000м 10K Valencia Ibercaja жарысына қатысқан еді. Ол 29 минут 51 секунд нәтижесімен ол аталған жарыста да қола жүлдегері атанған.