Болашағынан зор үміт күттіретін қазақстандық кәсіпқой боксшы Станислав Калицкий Prosports.kz сайтына берген сұхбатында ол карантин кезінде өз бабын қалай сақтағанын және қандай жекпе-жекті күтетінін айтып берді.
- Станислав, карантин кезіндегі қалпыңыз қалай?
- Құдайға шүкір, қазір жағдай жақсарды. Көшеде жаттыға алатын болдық. Сонымен қатар, отбасыммен және достарыммен уақыт өткіземін.
- Келесі жекпе-жек туралы жаңалықтар бар ма?
- Шайқас туралы ешқандай жаңалық жоқ. Болашақта не болатынын айта алмаймын. Әрине, мен көрерменсіз төбелескім келмейді.
- Боксты сағындыңыз ба? Коронавирустың тудырған кедергілер сізге қаншалықты әсер етті?
- Мен боксты қатты сағындым. Әрине, бұл жағдай маған материалдық жағынан да, психологиялық тұрғыдан да ауыр тиді. Бірақ бұл қорқынышты емес. Ең бастысы, жақындарымыз аман-сау.
- Сіз бұған дейін Қазақстанда қолдау жоқ деп айттыңыз. Жағдай өзгерді ме?
- Ештеңе айта алмаймын. Шынымды айтсам, қолдау күтпеймін де.
- Сіз асыға күтіп жүрген жекпе-жек бар ма?
- Иә. Мен Головкин мен Альварес арасындағы үшінші жекпе-жекті үлкен қызығушылықпен көрер едім.
Естеріңізге сала кетейік, Станислав Калицкий кәсіпқойлар арасында 10 жекпе-жек өткізіп, барлығында жеңіске жеткен. Олардың үшеуі мерзімінен бұрын аяқталды. Ол барлық жекпе-жегін Ресейде, негізінен Екатеринбургте өткізді.
Комментарии