23 ақпан Антхольцеде (Италия) биатлоннан әлем чемпионаты аясында соңғы сайыстар өтеді

Ерлер мен әйелдер арасындағы бәсекеге барлығы 30 спортшы жарыс жолына шығады. Алайда, аталған сайыста қазақстандық биатлоншылар қатыспайды.

Қазақстандық спортшылар үшін ерлер арасындағы эстафета соңғы жарыс болған. Қазақстан ерлер құрамасы эстафета бойынша 25-ші орын алған еді.

Ал әлем біріншілігінде Қазақстан құрамасына тиесілі ең үздік көрсеткішке Галина Вишневская қол жеткізді. Жеке сайыста ол үздік ондыққа еніп, тоғызыншы орыннан көрінді.