Мексикалық боксшы Сауль Альварес (53-1-2, 36 КО) ресейлік Сергей Ковалевті (34-4-1, 29 КО) нокаутпен жеңгеннен кейін Головкин жайлы пікір білдірді, деп хабарлайды Prosports.kz.
- Осында келіп, маған қолдау көрсеткендердің барлығына рахмет. Жеңіске жетіп, тарихқа атымды жаздым. Өте қуаныштымын. Мен әрқашан да жанкүйерлерімнен шыдамдылық танытуды сұраймын. Өйткені, «Канело» - бұл кепілдік! Головкинмен жекпе-жек пе? Мен бұған дейін Головкин мен үшін рингтегі қарсылас ретінде қызық емес екенін айттым. Бірақ бизнес тұрғысынан қызық. Көреміз», - деді Альварес.
«Канело» он бірінші раундта Ковалевті нокаутқа жіберіп, WBO нұсқасы бойынша жартылай ауыр салмақтың әлем чемпионы атағы мен белдігін Сергейден тартып алды. Қазір мексикалық боксшы төрт салмақ дәрежесінде әлем чемпионы.
Комментарии