ЕЛ. «Астана» қонақта «Аз Алкмаардан» ойсырай ұтылды
Еуропа лигасы топтық кезеңі аясында елордалық «Астана» нидерландылық «Аз Алкмаардан» тас-талқан болып ұтылды, деп хабарлайды Prosports.kz.
Жексенбі күні алматылық «Қайратқа» қарсы қиын матч өткізген «Астана» командасы Еуропа лигасындағы ойында жартылай екінші құраммен алаң шықты. Роман Григорчук еурокубоктағы матчтардан гөрі, ішкі біріншіліктегі чемпиондық аса маңызды екенін айқын көрсетті.
Бірінші тайм кезінде негізгі қақпашы, әрі команда капитаны Ненад Эрич жарақат алып қалды. Одан кейін оң қаптал қорғанысында Антонио Рукавинаны алмастырған Абзал Бейсебеков те ойынды жалғастыра алмады.
«Астана» футболшылары алғашқы таймда өз қақпаларына екі доп, екінші таймда төрт доп өткізіп, «Аз Алкмаардың» талантты жас футболшыларынан ойсырай ұтылды. Ойында соғылған 6 голды да 24 жасқа толмаған футболшылар Эричті алмастырған, Александр Мокин қақпасына тоғытты.
Анда-санда бір мүмкіндік алатын, көбіне легионерлердің тасасынан шыға алмайтын Серікжан Мужиков, Дидар Жалмұқан секілді ойыншылар Нидерландыдағы матчта өздерін көрсете алмады. Елордалық клубтың футболшылары 90 минут бойы қарсылас қақпасына бір мәрте ғана дәл соққы бағыттады. Ол да румыниялық Дорин Ротаридің еншісінде. Ал, «Аз Алкмаар» болса әуелі Эричтің, одан кейін Мокиннің мазасын жиі алды. 35 соққы бағыттады. Оның 15-і дәл қақпаға. Еуропа лигасыда өнер көрсететін кез келген команда үшін, мейлі қарсылас кім болса да, өз қақпаларына дәл осыншама соққы жіберу өте ұят көрсеткіш.
3 ойыннан кейін «Астана» еншісінде ұпай жоқ. L тобында 7 ұпайы бар «Манчестер Юнайтед» бірінші орында тұр. «Аз Алкмаарда» 5 ұпай. Үшінші орындағы «Партизан» еншісінде 4 ұпай.
Еуропа лигасы. L тобы
«Аз Алкмаар» - «Астана» - 6:0(2:0)
Голдар: Коопмейнерс, 40 - пен, 84 - пен, Боаду, 44, Стенгс, 78, Сугавара 85, Идрисси 90+1
Ескертулер: Дмитрий Шомко 39, Иван Маевский 41, Евгений Постников 83, Юрий Перцух 88
«Аз Алкмаар»: Марко Бизот (Қ) - Оуэн Вайндал, Стейн Вейтенс (Йорди Класи 80), Рон Влаар (Пантелис Хацидиакос 69), Юнас Свенссон - Дани де Вит (Юкинари Сугавара 71), Теун Коопмейнерс (К), Фредрик Мидтше - Уссама Идрисси, Келвин Стенгс, Мирон Боаду;
«Астана»: Ненад Эрич (Қ) (К) (Александр Мокин (Қ) 26) - Дмитрий Шомко, Лука Шимунович, Юрий Логвиненко (Евгений Постников 69), Абзал Бейсебеков (Антонио Рукавина 46) - Иван Маевский, Юрий Перцух, Серікжан Мужиков - Дорин Ротариу, Дидар Жалмұқан, Рангело Янга;
Төрешілер: Гедиминас Мажейка, Ридигер Чокай, Рейджи Авдо (бәрі – Албания)
«Карс Джинс» стадионы. 24 қазан.
Комментарии