Prosports.kz сайты «Астана» клубы өтіп жатқан Еуропа лигасында әзірге қанша табыс тапқанын назарларыңызға ұсынады.Елордалық клуб Еуропа лигасының бірінші іріктеу кезеңінде ойнағанына 280 мың еуро, екінші кезеңге өткенге - 260 мың еуро, ал үшінші кезеңге жолдама алғаны үшін - 280 мың еуро табыс тапты.«Астана» топтық кезеңге шыға алмаса да, ел чемпионы ретінде УЕФА тағайындаған қосымша 260 мың еуроны иемденеді. Осылайша, барлығы 1 080 000 еуро көлемінде табысқа кенеледі, теңгемен есептесек, 464 400 000.