Орал қаласында тұңғыш рет қазақ күресінен "Өнер барысы" турнирі өтті.

Қадыр Мырза Әли атындағы мәдениет және өнер орталығының амфитеатрында өткен додаға өнер саласында жүрген барлығы 41 палуан бақ сынады.

БҚО қазақ күресі федерациясы, Орал қаласы дене шынықтыру және спорт бөлімі, Қадыр Мырза Әли атындағы мәдениет және өнер орталығы ұйымдастырған сайыста палуандар екі салмақ дәрежесі бойынша кілемге шықты. 70 келіге дейінгі салмақта 18 өнерлі жігіт күш сынасып, Сырым ауданынан келген Бауыржан Бисқалиев жеңімпаз атанды.