Иранның Киш аралдарында таэквондодан G1 санатындағы «Fajr open» рейтингілік турнир аяқталды, деп хабарлайды Prosports.kz сайты.

Екінші жарыс күнінде қазақстандық Нұрсұлтан Мамаев күміс жүлдеге ілікті. Мамаев 68 келіде сынға түсіп, финалда ғана сүрінді.

Еске сала кетейік, турнирдің бірінші жарыс күнінде алты қазақстандық спортшы тұғырдан көрінді. Смайыл Дүйсебай (87 келі) мен Айгүл Елубай (57 келі) алтын медаль жеңіп алған болатын.