«Қайраттың» бапкері мен ойыншылары - үздіктер қатарында
Алматылық «Қайраттың» бапкері мен ойыншылары UMBRO Futsal Awards нұсқасы бойынша әлемнің үздіктері қатарына енді, деп хабарлайды Prosports.kz сайты.
«Қайраттың» бас бапкері Пауло Рикардо Кака әлемнің үздік жаттықтырушылары тізіміне енді. Бразилиялық маман сауалнамада екінші орын алды. Ал әлемнің үздік бапкері болып - испаниялық «Интердің» жаттықтырушысы Хесус Веласко танылды.
Алматылық клубтың ойыншылары Дуглас Жуниор мен Хоссейн Тайеби UMBRO Futsal Awards нұсқасы бойынша әлемдегі үздік бес ойыншы тізіміне енді. Дуглас 211 ұпай жинап, төртінші орын алды.
Ал 198 дауыс алған Тайеби үздік бестікті түйіндеді. Бұл номинацияда португалиялық Рикардинью жеңімпаз атанды, ол осымен алтыншы рет үздік болып отыр. Сондай-ақ, үздік бестікке испаниялық «Интердің» екі футзалшысы Гадейя пен Пола енді.
Комментарии