Қазақстандық теннисші Александр Бублик (143) Будапешттегі (Венгрия) АТР турнирінің 1/8 финалына шықты, деп хабарлайды Prosports.kz сайты. Отандасымыз 1/16 финалда өзбекстандық теннисші Денис Истоминді (87) жеңді.Астана уақыты сағат 15:10-да басталған кездесу жаңа ғана аяқталды. 2 сағат 44 минутқа созылған аса тартысты кездесуде 6:7(6:8)/7:6 (7:5)/7:5 есебімен Бублик басым түсті.Александр Бублик келесі кезеңде германиялық Ян-Леннард Штруффпен (61) кездеседі. Бұл матч ертең Астана уақытымен 14:00-де басталады.