Халықаралық бокс ұйымы (IBO) спортшылардың жаңартылған рейтингін шығарды, деп хабарлайды Baq.kz ақпарат агенттігі.
Жанат Жақиянов IBO рейтингіндегі үздік 15 боксшының қатарына кірді
Ауыр салмақта өнер көрсететін қазақстандық боксшы Иса Ақбербаев рейтингте екі орын төменге сырғып, 33-орынға тұрақтады. Ал жартылай ауыр салмақтағы Әли Ахмедов 40-орыннан 39-орынға көтерілді.
Бірінші орта салмақта бағын сынап жүрген боксшы Қанат Ислам рейтингтегі алтыншы орнын сақтап қалды. Ал Жанқош Тұраров 58-орыннан 56-орынға көтеріліп, жартылай орташа салмақтағы үздік 100 боксшының қатарына кірді.
Сонымен қатар бірінші ортақ салмақта өнер көрсететін қазақстандық спортшы Батыр Жүкембаев рейтингте 47-орыннан көрінді. Жеңіл салмақтағы Айдар Шарибаев жаңа рейтингте 98-орыннан 95-орынға көтерілді.
Сондай-ақ, екінші жеңіл салмақта бағын сынап жүрген Бекман Сойлыбаев 50-орнын сақтап қалды. Ал аса жеңіл салмақта өнер көрсетіп жүрген Жанат Жақиянов IBO рейтингіндегі үздік 15 боксшының қатарына енді.
Комментарии