Швейцарияның Ленцерхайде қаласында өтіп жатқан шаңғыдан «Тур де Ски» турнирінде ерлер арасындағы 15 шықырымға классикалық сырғанау жарысында қазақстандық шаңғышы екінші келді.

Жарыстың осы түріне еліміз атынан бір өзі ғана қатысып жатқан отандасымыз Алексей Полторанин екінші орынға ие болды. Бірінші орынды жарыс қожайыны Дарио Колонья иеленді. Норвегиялық Мартин Йонсруд Сундбю үшінші болып келді.

1. Дарио Колонья (Швейцария) - 35:29.5 2. Алексей Полторанин (Қазақстан) - +0.6 3. Мартин Йонсруд Сундбю (Норвегия) - +13.1.