Триатлоннан Қазақстан чемпионаты өтті

Халықаралық деңгейде өткен триатлон бәсекесінде бас жүлдені ресейлік Иван Тутукин қанжығасына байлады. Ал, көрерменнің көз алдында мәре сызығын екінші болып қазақстандық желаяқ Макси Крят кессе, үздік үштікті украиналық Виктор Земцев түйіндеді.

Триатлон бәсекесіне барлығы 155 адам қатысты. Турнир 1,8 шақырымға жүзу, 90 шақырымға велосипедпен жарыс және 21,5 шақырымға жүгіру бойынша өтті. Триатлон сайысына 19 команда қатысты. Әр командада 3 адамнан бар.

Естеріңізде болса, бүгін ҚР ҰҚК төрағасы, ҚР Триатлон федерациясының президенті Кәрім Мәсімов жарысқа қатысушыларға сәт-сапар тілеген еді.