Үндістанның Бхубанешвар қаласында өтіп жатқан XXII Азия чемпионатында қыздар арасында 100 метрге командалық эстафетаға жүгіруден Қазақстан құрамасы жеңіске жетті. Бұл туралы ҚР Жеңіл атлетика федерациясының сайтына сілтеме жасап, Baq.kz ақпарат агенттігі хабарлады.
Басқа
09.07.2017 16:49
Азия чемпионатында эстафетадан Қазақстан құрамасы жеңіске жетті
Әйелдер арасында 4x100 бойынша командалық эстафетада жүгіруден Қазақстан құрамасы ешкімге дес бермеді. Құрамында Рима Кашафутдинова (Қарағанды), Виктория Зябкина (Алматы), Светлана Голендова (Тараз), Ольга Сафронова (Павлодар) бар төрттік мәреге 43,53 секундтта жетті. Екінші орын Қытай қыздарына бұйырды. Олардың уақыт көрсеткіштері – 44,50 секунд. Үздік үштікті Үндістан құрамасы қорытындылады (44,57).
Алматыда өткен Ғұсман Қосанов мемориалында осы құрама 43,03 секундта жүгіріп өткен еді. Бұл жолы ол көрсеткіштен сәл төмен жүгірді. Дегенмен чемпион атануға ешкім кедергі келтіре алмады. Қытай құрамасы айтарлықтай қалып қойды.
Комментарии