Осы аптада XIII «Қазақстан Барысы» турнирі өтеді
Астана қаласында 26 қазан күні қазақ күресінен XIII Республикалық «Қазақстан Барысы» турнирі өтеді, деп хабарлайды Prosports.kz
Бұл турнирге облыстық жарыстардың нәтижелері бойынша іріктелген еліміздің ең күшті балуандары жиналады, деп хабарлайды елорда әкімдігінің ресми сайты.
Турнирге Қазақстанның 17 облысы мен республикалық маңызы бар 3 қаланың ең мықты палуандары қатысады. қатысушылар арасында өткен жылдың «Қазақстан Барысы» жеңімпазы, «Әскер Барысы» командасынан екі балуан болады.
Турнирдің жүлде қоры 27 100 000 теңгені құрайды, оның ішінде 3 720 000 теңге спортшылардың жаттықтырушыларына бөлінген. 1-орын — 15 000 000 тг 2-орын — 3 300 000 тг3-орын — 1 080 000 тг. Әр жеңген жекпе-жек үшін балуан 100 000 теңге алады.
Турнир «Барыс Арена» спорт кешенінде өтеді. Елорда мен қала қонақтарына кіру тегін.
«Қазақстан Барысы» турнирін тікелей эфирде «Qazsport» телеарнасы 26 қазан күні 12.00-ден бастап көрсетеді.