Берік Әбдрахманов: «Негізгі қарсыластарымды білемін»
Қазақстан ұлттық құрамасының мүшесі, 2013 жылғы әлем чемпионатының қола жүлдегері, Берік Әбдрахманов ProsportKz.kz тілшісіне Рио әсері мен жаттығу барысын жайлы айтты.
- Жергілікті ауа-райына үйрендіңіздер ме? Алдағы жекпе-жектерге дайындық қалай жүріп жатыр?
- Келгеннен кейін алғашқы екі-үш күнді демалысқа арнадық. Көп ұйықтап, ұзақ жолдан кейін өз қалпымызға келдік. Ерте тұрып, ерте жаттық. Төрт-бес күн өткеннен кейін біздің топ жергілікті уақыт айырмашылығы мен ауа-рауфна үйренді. Қазір біз күніне екі уақыт жаттығу жасаймыз.
- Жаттығу бәсеңдігі төмен бе?
- Жоқ. Қазақстандағыдай жаттығып жүрміз. Бүгін жаттығуды бастағанымызға екінші күн. Таңертең бойжазамыз. Сағат 11-де 30 минуттық жаттығу жасаймыз. Негізгі жаттығу жұмыстары сағат 5-те басталады.
- Негізгі қарсыластарыңызды білесіз бе?
- Білемін. Кейбіреуін рингте көрдім, кейбірімен танысып та үлгердім.
- Қазіргі тұрып жатқа жерлеріңіздің жайы қандай? Кейбір шетелдік делегациялар өмір сүру жағдайына шағымданған болатын.
- Біздің пәтерлер таза. Үнемі тазалық жұмыстарын жасайды. Өмір сүруге қажеттінің бәрі бар. Кейбір үйлерде су ағып, кішігірім мәселелер орын алғанын білемін. Бірақ бізде ондай болған жоқ.
- Жергілікті тағамдар ұнады ма?
- Әрине, біздікіндей болмайды (күлді), бірақ ештеңе етпейді. Ақырындап үйреніп келеміз.
- Өздеріңізбен бірге ештеңе әкелмедіңіздер ме?
- Қазы, құрт, қымыз алдық.