Еуро-2016 қарсаңында неміс модельдері жалаңаштанды

Микаэль Шефер бастаған бірнеше неміс моделі Францияда футболдан Еуропа чемпионатының басталуына орай Берлин орталығында жалаңаштанды.

Тengrinews.kz порталының мәлімдеуінше, жалаңаш қыздардың фотосессиясы Бранденбург қақпасының алдында өтті. Модельдер бастапқыда суға шомылатын киіммен, кейін киімін шешіп, суретке түскен. Шефердің айтуынша, акцияның барлық қатысушысы футболды қатты жақсы көреді және олар осы спорт түрінің ұлттарды біріктіре алатынына сенеді.

Басылымның мәліметінше, қыздардың бұл өнеріне бірнеше полиция қызметкері куә болған. Қызметкерлер қыздарға қатысты ешқандай шара қолданбапты. Басқа суреттерді мына жерден көре аласыздар.

Еске салайық, футболдан Еуропа чемпионаты Францияда 10 маусым мен 10 шілде аралығында өтеді. Сонымен қатар, матчты тікелей эфирде «Қазақстан» мен Kazsport телеарналары көрсетеді.