Ненад Эрич: «Қазақстан құрамасына ойнауға рұқсат беретін УЕФА-ның құжаттарын күтіп жүрмін»
«Астананың» қақпашысы Ненад Эрич сербиялық Mozzart Sport басылымына берген сұхбатында, неліктен Қазақстан құрамасына ойнамай жүргенін айтып берді.
- Біз чемпионатты жақсы бастадық. «Қайрат» бізден 11 ұпайға ұтылуда. Біздің мақсатымыз – «алтын дубль» жасап, Еуропада жақсы өнер көрсету. Чемпиондар лигасының жеребе тарту рәсімін асыға күтудемін. Былтырғы жетістігімізді қайталағымыз келеді, тіпті Еуропа лигасының топтық кезеңіне шығып жатсақ та жақсы нәтиже болады.
- «Астананың» құрамасы былтырғымен салыстырғанда қаншалықты өзгерді?
- Бірқатар ойыншыларымыз кетті. Еурокубоктар алдында жаңа футболшылар келеді деп күтілуде.
- Қазақстан құрамасына неліктен ойнамай жүрсіз?
- Әзірге Қазақстан құрамасына ойнай алмаймын. Қазіргі таңда, УЕФА-ның арнайы құжаттарын күтіп жүрмін.