Америка кубогы – 2016. Эквадор Перумен тең түсті

Футболдан Америка кубогының топтық кезеңі аясында Эквадор құрамасы Перумен тең тарқасты.

Тартысты өрбіген матч 2:2 есебімен тең аяқталды. Кездесудің бірінші таймында перулік ойыншылар екі гол соқты – Кристиан Куэва мен Эдисон Флорес голдың авторы атанды. Ал бірінші кезеңнің соңында Эннер Валения есеп айырмасын қысқарта алды. Ал екінші таймда Миллен Боланьос таразы басын теңестірді – 2:2.  

Осылайша, Перу мен Бразилия «В» тобының екінші турынан кейін төрт ұпаймен көш бастап келеді.