Андрей Аршавин: «35 жасымда ойнап жүргенім – ерлік»

Алматылық «Қайраттың» ресейлік ойыншысы Андрей Аршавин «PROСПОРТ» тілшісіне «Ақжайыққа» қарсы кездесу жайында, туған күнінің қалай өткенін, Кахабер Цхададзенің футболшыларды жігерлендіру үшін айтқан сөздері туралы әңгімелеп берді.

- «Ақжайыққа» қарсы толық ойын өткізгеннен кейін өзіңізді қалай сезінудесз?

- Жақсымын. Өте ауыр ойын болды.

- Анаңыз туған күніңізге торт жіберіпті. Сәлемдеме уақытында келді ме?

- Иә, матчқа бір күн қалғанда келді, бірден жеп бітірдім.

- Анаңыздың торты «Ақжайыққа» қарсы кездесуде өз әсірен тигізді ме?

- Тек жаман жағынан (күледі).

- Анаңыз Алматыға келіп, баласымен қауышып, сіздің ойыныңызды стадионнан көруге қашан келмек?

- Келуі керек, бірақ қазір емес. Кейін келе жатар.

- Әріптестеріңіз туған күніңізбен қалай құттықтады?

- Жеңіске жетіп, құттықтаймыз деп уәде берген. Сөздерінде тұрды.

- Соңғы ойында сіздің дәл пастарыңызды Жерар Гоу пайдала алмады. Бұл жайында не ойлайсыз?

- Кейде ол мүмкіндігін мүлт жіберіп алады, енді бірде мен дәл пас бере алмай қалатын жағдай болады.

- «Ақжайыққа» қарсы кездесудің бірінші таймы аяқталғанда Кахабер Цхададзе ойыншыларға бірнәрсе айтты ма?

- Біздің жақсы ойыншы екенімізге күмән келтірмейтінін айтты. Нағыз жігіттікті дәлелдеуді сұрады! Үзіліс бізге ойынның бағытын өзімізге қарай аударуға деген берілген мүмкіндік екенін жеткізді. Соның арқасында ойын соңында жеңісті жұлып алдық.

- Көптеген футболшылар 38-40 жасқа дейін өнер көрсетеді. Сіз 35-ке толдыңыз…

- 35 жасымда ойнап жүргенім – ерлік. Ары қарай не боларын көре жатармыз.