«Арсенал» Гранит Джаканы сатып алды
Лондондық «Арсенал» ресми түрде 23-жастағы швейцариялық жартылай қорғаушы Гранит Джакамен келісімшартқа отырды.
Швейцариялық футболшы «канонирлерге» менхенгладбахтың «Боруссия» клубынан ауысты. Бейресми ақпаратқа сүйенсек, трансфердің құны 24 млн. фунт стерлингті құрады.
«Гранит Джака – Чемпиондар лигасы мен Бундеслигада ойнап тәжірибе жинаған, жас талантты ойыншы. Біз оның ойынын ұзақ уақыт бойы бақыладық. Ол «Арсеналды» күшейтетіні анық», - деді Арсен Венгер.
Қазіргі таңда, Гранит Джака Швейцария құрамасымен Францияда өтетін Еуропа чемпионатына дайындалуда.