Әлібек Бөлешев: «Қайраттан» ұпай алуға тырысамыз»
![Әлібек Бөлешев: «Қайраттан» ұпай алуға тырысамыз»](https://prosports.kz/upload/news/content/file_1463645666_375276113.jpg?v=28723656)
«Оқжетпестің» капитаны Әлібек Бөлешев ProsportKz.kz тілшісіне берген сұхбатында «Тобылмен» өткен кездесу жайлы және алдағы «Қайратқа» қарсы ойын туралы айтып берді.
- 1:1 есебі – әділетті нәтиже. Жеңіске лайық ойын көрсетпедік, ұтылғанда жоқпыз. Ойын тең өтті.
- Голды қалай жіберіп алдыңыздар?
- Бұған көп фактор әсер етті. Біз бір алаңда жаттығып, басқа стадионда кездесу өткіземіз. Бұған қоса үнемі жолдамыз. Бүгін бір қонақ-үйде, келесі күні басқасында. Әртүрлі алаңдарда жаттығамыз. Бұл әрине көп күшті қажет етеді. Матч соңында мұқият ойнамадық, соның кесірінен гол жіберіп алдық.
- Келесі турда «Қайратпен» кездесесіз. Алматылық команда өз алаңында әлі бірде-бір гол жібермеді...
- «Қайраттан» ұпай алуға тырысамыз. Ешкім онда жеңілу үшін бара жатқан жоқ. Алматылық команда - фаворит, бірақ біз қорғаныста ойнап, қарымта шабуылда мүмкіндік іздейміз.