Андре Уорд Сергей Ковалевпен жұдырықтасады
![Андре Уорд Сергей Ковалевпен жұдырықтасады](https://prosports.kz/upload/news/content/file_1463119198_828250551.jpg?v=28694660)
Белгілі америкалық боксшы Андре Уорд жартылай ауыр салмақ дәрежесінде WBA (Super), WBO (Super), IBF чемпионы ресейлік Сергей Ковалевпен жекпе-жек өткізу туралы келісімшартқа қол қойғанын айтты, деп хабарлайды аllboxing.ru.
— Сергей Ковалевпен жекпе-жек өткізу туралы келісімшартқа қол қойғанмын. Бірақ ол үшін алдымен екеуіміз алдағы жекпе-жектерімізде жеңіске жетуіміз қажет. Содан кейін ғана жекпе-жек қараша айында өтеді.
— Жекпе-жек қарашаның 19-ы өтеді ме?
— Нақты қай күні өтетінін айта алмаймын. Бірақ біз қараша айында жұдырықтасамыз деп келістік.
— Демек, нақты қай күні және қай жерде өтетіні әзірге белгісіз?
— Ресми түрде келісімшарт бар. Енді нақты қай күні және қай жерде өтетінін анықтау қажет. Өзбасым, Лас-Вегас қаласында жұдырықтасқым келеді.