Лука Роткович: «Қазақстанда орыс тілін бір жылда үйреніп алдым»

Минскілік «Динамоның» шабуылшысы Лука Роткович орыс тілін қалай үйренгенін айтты.

«Мен Қазақстанда тілді бір жылда үйреніп алдым. «Оқжетпес» командасында орыстар мен украиналықтар көп болды. Күн сайын солармен бірге жүріп, тіл үйрендім. Сөйлей бердім, сөйлей бердім. Қазір бәрін түсінемін және оқи аламын. Саша Павлов көп көмектесті – ол менің жақын досым. Мен оны «Сары» деп атаушы едім. Біз бір бөлмеде тұрдық. Саша – суперойыншы! Маған, тіпті, гол соғуым үшін пастар беретін», - деді Роткович.