ESPN.com: «Головкин Мэйвезер мен Пакьяоның орнын басуы мүмкін»

ESPN.com сайты Флойд Мейвезер мен Мэнни Пакьяо мансаптарын аяқтағаннан кейін олардың орнын басуға қауқарлы боксшыларды атады.

Бұл туралы ҚазАқпарат хабарлады. Сайтта дауыс беруге қатысушылар мен сарапшылардың пікірінше, бос қалған орынды басуға үміткердің бірі - бірнеше нұсқа бойынша орта салмақтағы қазіргі әлем чемпионы Геннадий Головкин.

«Геннадий Головкин. Ғаламшардағы ең мықты боксшылардың бірі де бірегейі. Жасы 34-те, рекорды  34-0 (31 КО). Ұзақ уақыт орта салмақ дәрежесінде үздік келеді, ол Сауль Альвареспен жекпе-жегін күтіп жүр.  Өз дивизионын «тазалағаннан» кейін 168 фунтқа көтеріліп, үлкен қарсылас іздеуге шығуы мүмкін», - деп жазылған материалда.