Головкин туған күнімен құттықтағандарға алғыс айтты
![Головкин туған күнімен құттықтағандарға алғыс айтты](https://prosports.kz/upload/news/content/file_1460191380_598948348.jpg?v=28713371)
Қазақстандық Геннадий Головкин туған күнімен құттықтаған бүкіл жанкүйеріне алғысын білдірді.
«Барлығыңызға да құттықтауларыңыз үшін рахмет! 23 сәуірде Big Drama Show сыйлауға уәде беремін», - деп жазды боксшы твиттердегі жеке парақшасында.
Айта кетейік, 8 сәуірде Геннадий Головкин 34 жасқа толған болатын.
Естеріңізге салсақ, отандасымыздың келесі жекпе-жегі 23 сәуірде Лос-Анджелестегі «Forum» аренада өтеді. Қазақстан уақытымен 24 сәуір таңға сәйкес келеді.