Боксшыларымыз елге оралды

Бүгін Қытайдағы іріктеу турнирінде 7 олимпиадалық лицензия жеңіп алған боксшылар елге оралды.

Қазақстан бокс федерациясы баспасөз қызметінің мәліметінше, Қазақстан бокстан 11 жолдама иеленді, еліміздің ерлер құрамасы тұңғыш рет Олимпиадаға толық құрамда қатыспақ.

«Әр боксшының Олимпиадаға дайындық жоспары болады. Кемшіліктерімізді түзеуге тырысамыз. Шеберлігімізді шыңдай түсу үшін бірлескен оқу-жаттығулар өткізіп, бірнеше халықаралық турнирге қатысуды жоспарлап отырмыз. Келесі оқу-жаттығу 10 сәуір күні басталады», - деп атап өтті құраманың бас бапкері Мырзағали Айтжанов.