Дариға Шәкімова ақтық сында сүрінді

Қытайда өтіп жатқан лицензиялық турнирде қазақстандық боксшы Дариға Шәкімова финалда жеңіліп қалды.

75 келіге дейінгі салмақ дәрежесінде бақ сынаған отандасымыз шаршы алаңда жергілікті боксшы Кван Лимен кездескен. Ақтық сындағы кездесу 3:0 (40:36, 40:36, 40:36) есебімен қытайлық боксшының пайдасына шешілді.

Бұған дейін аталмыш турнирде Жасұлан Әлімханұлы (75 кг) – бірінші, Әділбек Ниязымбетов (81 кг) – екінші, ал Олжас Сәттібаев (52 кг) пен Қайрат Ерәлиев (56 кг) тиісінше үшінші орын иеленген еді.