Геннадий Головкин Вашингтон сақшыларымен суретке түсті

Вашингтонда Ядролық қауіпсіздік жөніндегі саммит (Nuclear Security Summit) ашылар алдында құқық қорғау органдарының қызметкерлері қазақстандық боксшы Геннадий Головкинмен бірге суретке түсуге өтініш білдірді.

Бұл туралы ҚазАқпарат хабарлайды. «Тіпті Вашингтонда ядролық қауіпсіздік жөніндегі саммиттегі полицейлер - GGG фанаттары»,- деп жазды Головкиннің промоутері Том Лёффлер. Еске сала кетсек, Вашингтонда Геннадий Головкин «ЭКСПО-2017» елшісі мәртебесін алғаннан кейін Қазақстан Президенті Нұрсұлтан Назарбаевпен кездескен болатын.