Сауль Альварес: «Головкиннен қорқатындай ол кімді жеңіп еді?»

Кәсіпқой бокстан орта салмақ дәрежесінде WBC чемпионы Сауль Альварес қазақстандық Геннадий Головкиннен қорықпайтынын айтты. 

«Менің Головкинге қарсы кездесуім алдағы уақытта болады деген ойдамын. Біреулер маған «сен Головкиннен қорқасың» дейді (күледі). Мен одан қорқатындай ол кімді жеңді? Головкин ортаңғы боксшыларды жеңген. Араларында бір аты шыққан боксшы жоқ. Соған қарамастан екеуіміздің жекпе-жегіміз міндетті түрде болады. Себебі бұл кездесуді өзім қалаймын. Бірақ мұндай жекпе-жектерді ұйымдастыру үшін көп уақыт керек. Мәселен, Коттоға қарсы кездесуді біз үш жыл ұйымдастырдық», — деді мексикалық боксшы.