Олимпиада чемпионы Бақтияр Артаевтың төртінші перзенті дүниеге келді

Олимпиада чемпионы және Вэл Баркер Кубогының иегері Бақтияр Артаевтың төртінші перзенті дүние есігін ашты.

«Аллаға шүкір, аман-есен босанды... Екі-үш сағат бұрын ғана босанды. Денсаулығы жақсы. Әйелім маған төртінші баланы, ұлды сыйлады. Сонда қазір менде екі ұл және екі қызым бар. Менің балам нағыз батыр. Салмағы - 5 келі 200 грамм, бойы 64 сантиметр. Мұндай көрсеткіш ешкімде жоқ шығар», - дейді Олимпиада чемпионы.

Тengrinews.kz ақпараттық порталының мәлімдеуінше, Артаев жұбайының таяу күндері перзентханадан шығарылатынын айтқан. Айта кетейік, Артев Лондонда оқып жатыр - ол қазіргі уақытта демалыста, Ұлыбританияға бір аптадан кейін аттанады.