Қанат Рахимов UFC-дегі кезекті жекпе-жекке қатысты пікір білдірді

Қазақстандық файтер Бекзат Алмаханның бапкері Қанат Рахимов UFC-дегі кезекті жекпе-жекке дайындық жоспарға сай өтіп жатқанын мәлімдеді, деп хабарлайды Prosports.kz.

Қазір Алмахан Бакуде UFC файтері Асу Алмабаевтың командасымен бірге жаттығып жатыр. Бапкердің айтуынша, спортшының жағдайы тұрақты, ал команда салмақ қуу кезеңіне кіріскен.

«Бекзатта бәрі тұрақты. Салмақ қуу басталды, жоспар бойынша өтіп жатыр. Қарсыласқа қарсы жекпе-жек жоспары дайын, енді бәрі сол кеште белгілі болады» деді Қанат Рахимов.

Айта кетелік, Бекзат Алмахан 27 маусым күні Бакуде өтетін UFC Fight Night турнирінде бразилиялық Жан Мацумотомен кездеседі.

Джон Джонс Махачев – Гарри жекпе-жегіне күтпеген болжам жасады