«ПСЖ» Винисиусты тегін алуға дайын: жұлдыз футболшы келісімшартты ұзартпау мүмкіндігін қарастыруда
25 жастағы Винисиус Жуниордың «Реалмен» келісімшарты 2027 жылға дейін жарамды, алайда ол мадридтік клубтың жаңа келісім жөніндегі ұсынысын қабылдамаған, деп хабарлайды Prosports.kz.
Бразилиялық шабуылшы «Реал» ұсынған жалақымен келіспей, Испанияда қалу үшін Мбаппеден де көп табыс тапқысы келеді. Қазір Килиан Мбаппенің жылдық жалақысы — 15 миллион еуро (нетто).
Осы жағдайды тиімді пайдаланып қалғысы келген «ПСЖ» Винисиусқа делдалдар арқылы қызығушылық білдіріп, Парижде оған жоғары жалақыға бірден орын бар екенін жеткізген. Бірақ бір шарт бар: футболшы «Реалмен» келісімшартты ұзартпауы керек. Сол кезде париждік клуб оны тегін алуға мүмкіндік алады.
Бұған қоса, Винисиус еркін агентке айналса, «ПСЖ» оған 80 миллион еуро көлемінде бонус және жылына 15 миллионнан жоғары жалақы төлеуге дайын екені айтылған. Париждіктер бұл соманы тиімді санайды, себебі футболшыны «Реалдан» сатып алу бұдан да қымбатқа түсер еді.
Еске сала кетейік, Килиан Мбаппе де өз келісімшарты аяқталған соң «Реалға» трансфер ақысыз өткен еді. Қазір Transfermarkt бағалауынша, Винисиустың құны — 150 миллион еуро. Мадридтік клуб оны 2018 жылы «Фламенгодан» 45 миллион еуроға алған болатын.
«Реал» франциялық қорғаушы трансферінен бас тартты