Юрий Петухов «Барыс» хоккей клубының әлсіз тұсын атады
Бұрынғы «Торпедо» (Өскемен) вице-президенті Юрий Петухов алдағы «Металлургке» қарсы матч алдында «Барыстың» мүмкіндіктерін төмен бағалады, деп хабарлайды Prosports.kz.
Петуховтың айтуынша, астаналық клуб шабуылда жаман емес көрінгенімен, қорғаныста үлкен қиындықтарға тап болып жүр.
«Барыстың» бұл ойында жеңіске жету мүмкіндігі өте аз. Команда шабуылда ойнайды, бірақ қорғанысында проблемалар көп. Соңғы матчтар бір-біріне ұқсайды, ал екінші период – команданың нағыз ахиллес өкшесі. Маусым басында жақсы болған кіші құрамда ойнау да нашарлап кетті. Соңғы екі ойында 12 шайба жіберді — бұл өте көп», — деді маман.
Айта кетейік, «Металлург» - «Барыс» матчының тікелей трансляциясы Қазақстан уақытымен 16:30-да басталады, оны «Qazsport» телеарнасынан көруге болады.
31 ойыннан кейін «Барыс» Шығыс конференциясында 27 ұпаймен, 10-орында тұр.
Ал «Металлург» Шығыс конференциясында 48 ұпаймен көш бастап тұр.
«Барыстың» шетелдік ойыншысы командаға оралады
Қазақстандық хоккейші еуропалық лигада дубль жасады
11 шайба соғылды. «Барыс» ҚХЛ матчында жеңіліп қалды