Қазақстандық Ержан Залилов келесі жекпе-жегінде Ресей туымен шығады

22 жастағы боксшы Ержан Залилов 30 қаңтарда Алматыда кәсіби рингте кезекті жекпе-жегін өткізеді.

Бұл кештің афишасында Залиловты ресейлік боксшы екенін жазған. Бұл туралы боксшының өзі былай деді:

«Мен Қазақстан Республикасының азаматымын және солай болып қала беремін. Бұл менің Отаным! Ресей маған кәсіби рингке шығуыма мүмкіндік берді. Екі тудың астында шықпас бұрын, бұл туралы білулеріңіз керек. Болған оқиғаға байланысты айтарым, мұны менің келісімімсіз жасаған. Бұл туралы ештеңе білген жоқ».