ҚПЛ-2025: 17-тур матчтарына қанша жанкүйер жиналғаны белгілі болды
ҚПЛ 2025 жылғы маусымының 17-турында өткен «Ақтөбе» мен «Тобыл» арасындағы кездесу (0:0) ең көп көрермен жинаған ойын болды, деп хабарлайды Prosports.kz.
KazFootball.kz мәліметінше, Ақтөбедегі стадионға 12 000 жанкүйер жиналған.
Жалпы алғанда, тур аясында өткен жеті матчты 33 723 адам тамашалады - бұл бір ойынға орта есеппен 4 818 көрермен деген сөз. Аталған көрсеткіш маусымның орташа көрсеткішінен 6%-ға жоғары (4 528 көрермен).
Көрермен саны бойынша алғашқы үштікке Семейде өткен «Елімай» мен «Жеңіс» (1:2, 6 000 адам) және Алматыдағы «Қайрат» пен «Қайсар» (1:1, 5 123 адам) арасындағы ойындар енді.
Ең аз жанкүйер жинаған кездесулер қатарында Шымкентте өткен «Оқжетпес» пен «Ұлытау» (1:0) ойыны бар - бұл матчты небәрі 100 адам тамашалады. Сондай-ақ Петропавлда өткен «Қызылжар» - «Атырау» (0:1) ойынына 2 500 адам жиналған.
Қазақстан Премьер-лигасының 18-тур ойындары 25-27 шілде аралығында өтеді. Турдың басты ойыны Қостанайда «Тобыл» мен алматылық «Қайрат» арасында болмақ.