Том Лёффлер: «Сондерстің жауабын күтудеміз»
![Том Лёффлер: «Сондерстің жауабын күтудеміз»](https://prosports.kz/upload/news/content/file_1451973486_856595403.jpg?v=28751364)
Қазақстандық Геннадий Головкиннің промоутері Том Лёффлер британиялық Билли Джо Сондерспен жекпе-жек өткізуге қатысты түсініктеме берді.
«Жекпе-жек сәуірде болуы мүмкін. Алайда біз әлі Сондерстің жауабын күтіп отырмыз. Әзірге ұсынысымызға жауап алмадық, сондықтан ол жайында айту орынсыз», - деді Лёффлер.
Бұған дейін шетелдік БАҚ GGG командасы Сондерспен жекпе-жекке 4 миллион доллар төлеуге дайын екенін хабарлаған болатын. Бұл соманы британиялықтың промоутерлері қанағат тұтпауда: олар 6 миллион доллар сұрап отыр.