Ла Лига: «Барселона» сырт алаңда «Севильяны» ірі есеппен жеңді
Испания Ла Лигасының 2024/2025 маусымының 23-турында «Севилья» мен каталондық «Барселона» кездесті, деп хабарлайды Prosports.kz.
Командалар Севильядағы Рамон Санчес Писхуан стадионында ойнады. Матчты Алехандро Эрнандес (Санта-Крус-де-Тенерифе, Испания) бастаған төрешілер тобы басқарды. «Барселона» «Севильяны» 4:1 есебімен жеңді.
Қонақтар сапынан Роберт Левандовски, Фермин Лопес, Рафинья және Эрик Гарсия соқты. Алаң иелерінің жалғыз голының авторы - Рубен Варгас. Матчтың 60-шы минутында «Барселона» футболшысы Фермин Лопес қарсыласқа қарсы дөрекі ойнағаны үшін алаңнан қуылды.
23 ойыннан кейін «Барселона» 48 ұпаймен Ла Лига кестесінде үшінші орында тұр. «Севилья» осыншама ойыннан кейін 28 ұпаймен 13-орында тұр. Испания чемпионатының 2024/2025 жылғы турнирлік кестесін 23 матчтан кейін 50 ұпай жинаған «Реал Мадрид» бастап тұр. Келесі турда көк гранаттар «Райо Вальеканомен» (17 ақпанда), ал нервиялықтар «Вальядолидпен» (16 ақпанда) ойнайды.