«Барыстың» бас бапкері «Амурмен» өткен ойын туралы айтты
«Барыстың» бас бапкері Ғалым Мәмбеталиев «Амурмен» өткен ойын (0:3) туралы айтты, деп хабарлайды Prosports.kz.
«Бізде концентрация жеткіліксіз болды, кейбір сәтте біз шабуылға әуестеніп кетіп, қарсы шабуылға ұшырап қалды. Оның үстіне буллит біздің ойын жоспарымызды аздап өзгертіп кетті.
Бұл матчты талқылап, қателік жіберген сәттерді анықтаймыз, келесі ойынға дайындаламыз. Жігіттер робот емес, адам, олар қалпына келуі керек. Біздің хоккейшілер әрбір матчқа қатысып жүр. Бізге концентрация жетіспеді. Сенімділік әр ойын сайын жиналады, уақыт өте жігіттер шыңдалып, жинақы бола түседі. Екі матчта жеңіске жетіп, бір ойында ұтылдық - алда қалай болатынын көреміз. Қақпашы Андрей Шутов келесі ойындарға дайындалуда. Матчқа алтыншы ойыншыны қосу жайлы ойлаған жоқпыз, себебі бұл жерде одан пайда жоқ», - деп келтіреді Allhockey.ru бапкердің сөзін.