IBF боксшылар рейтингінің жаңартылған нұсқасын жариялады
Халықаралық бокс федерациясы (IBF) барлық салмақ дәрежесіндегі боксшылар рейтингінің жаңартылған нұсқасын жариялады, деп хабарлайды Prosports.kz.
Екінші аралық салмақта өнер көрсететін Әли Ахмедов 15-орында қалды. IBF тұжырымы бойынша әлем чемпионы атағы, сондай-ақ осы салмақтағы рейтингтің бірінші орны бос, екінші орында ресейлік Владимир Шишкин, үзік үштікті франциялық Кристиан Мбилли түйіндеді.
Орта салмақта IBF және WBO тұжырымдары бойынша әлем чемпионы Жәнібек Әлімханұлы тұрған рейтингте қазақстандық Мейірім Нұрсұлтанов топ-15 қатарынан шығып қалды. Ол бұған дейін 11-орында болған еді. Рейтингтегі бірінші орын бос, екінші орында италиялық Этиноса Олиха, ал үшінші орында ұлыбританиялық кіші Крис Юбэнк тұр.
Сұлтан Зәуірбек екінші жартылай жеңіл салмақтағы рейтингте жетінші орында қалды. Бұл санаттағы әлем чемпионы ұлыбританиялық боксшы Энтони Какейс, рейтинг көшбасшысы мексикалық Эдуардо Нуньес, екінші орын бос, үзік үштікті жапониялық Масанори Рикиши түйіндеді.