«Ұлттық құрамадағы үздік ойынымды көрсеткім келеді». ҚХЛ клубының ойыншысы Қазақстан құрамасы сапына келуі туралы пікір білдірді
ҚХЛ-да «Торпедо» (Нижний Новгород) сапында өнер көрсететін қорғаушы Дмитрий Бреус Prosports.kz сайтына хоккейден Азия чемпионатына қатысу үшін Қазақстан ұлттық құрамасына келгені туралы пікір білдірді.
«Қазақстан құрамасына шақырту алдым, ал бас бапкерім мені жіберді. Алматыда турнир болғаны маңызды рөл атқарды деп айтпас едім, бірақ мен отбасымды көргеніме қуаныштымын. Бапкер мені жіберді, сондықтан мен ұлттық құрамадағы үздік ойынымды көрсеткім келеді.
Турнирдегі ең басты қарсылас кім? Менің ойымша, бұл Жапония. Бірақ барлық командаларға бірдей дайындаламыз», - деді Нижний Новгород клубының қорғаушысы.
Алматыда хоккеймен айналыса бастаған 20 жастағы Бреус Нижний Новгородтың «Торпедо» ХК жүйесінде үшінші маусымын өткізіп жатыр. Өткен маусымда ол ҚХЛ-да дебютін өткізді. 2024/2025 жылғы тұрақты лига турнирінде 12 матчта 1 гол соғып, 1 нәтижелі пас берді. Қазақстан құрамасы сапында элиталық дивизиондағы 2024 жылғы әлем чемпионатының қатысты.
Айта кетейік, ҚХЛ тұрақты маусымында өнер көрсетіп жүрген «Барыс» ойыншылары ұлттық құрама сапында бұл турнирге қатыспайды.