Санжарәлі Бегалиев әлем чемпионатында алтын медаль жеңіп алды
Қазақстандық боксшы Санжарәлі Бегалиев Черногорияның Будва қаласында өтіп жатқан жастар арасындағы әлем чемпионатында алтын медаль жеңіп алды.
Санжарәлі Бегалиев 75 кг салмақ дәрежесінде финалда өзбекстандық боксшы Джафарбек Шахбазовпен кездесіп, айқын басымдықпен жеңіске жетті (5:0). Бұл жеңісі үшін Санжарәліге ұйымдастырушылар 8000 доллар (3,9 млн теңге) көлемінде сыйақы табыстайды.
Бегалиев әлем чемпионатындағы алғашқы кездесуінде румыниялық Шуч Иштван Лайошты жеңсе, кейін болгариялық боксшы Хашем Халилден басым түсті. Ширек финалда кубалық қарсыласы Эбдрю Ардилесті, жартылай финалда польшалық Фабиан Урбанскиді жеңді.
Санжарәлі Бегалиев 2022 жылы жасөспірімдер арасындағы Азия чемпионатында алтын медаль иеленіп, 2024 жылы жастар арасындағы құрлық чемпионатында жеңімпаз атанған болатын.