Жәнібек Әлімханұлы жанкүйерлерге үндеу жасады
Орта салмақтағы WBO/IBF тұжырымы бойынша әлем чемпионы, қазақстандық боксшы Жәнібек Әлімханұлы (16-0, 11 КО) ұлыбританиялық Хамза Ширазға (21-0, 17 КО) қарсы титулды жекпе-жегі туралы жазба жариялады, деп хабарлайды Prosports.kz.
«Бокс жанкүйерлері қайдасыңдар? Жаңалық барма?», - деп жазды боксшы X әлеуметтік желісіндегі парақшасында ықтимал қарсыласының суретін жариялап.
Where are you boxing fans? Any news? 😎 pic.twitter.com/Q7OrV4OEzz
— Janibek Alimkhanuly (@qazaqstyle) October 18, 2024
Еске салайық, бұған дейін Дүниежүзілік бокс ұйымы (WBO) Әлімханұлына (16-0, 11 КО) Хамза Ширазды (21-0, 17 КО) міндетті қарсылас етіп тағайындаған болатын.
WBO Жәнібектің командасына Шираздың ұжымымен келіссөзді бастауды бұйырды. Тараптарға келісімге келу үшін 15 күн берілген. Егер тараптар келіспесе, онда жарнамалық сауда-саттық белгіленеді.
Айта кетейік, Хамза Шираз қазір үш кіші белбеу - Достастық бокс кеңесінің титулы, EBU European және WBC Silver титулының иегері.