Әлем чемпионатына қатысатын Қазақстан құрамы белгілі болды

Қазақстан құрамасының бас бапкері Рикардо Кака 2024 жылғы Әлем чемпионатында ел намысын қорғайтын ойыншылардың қорытынды тізімін жариялады.

Өзбекстанда өтетін әлем чемпионатына Қазақстан құрамасы сапында 14 ойыншы барады. Ақтық тізімге 2 қақпашы мен 12 алаңдағы ойыншы енді.

Мундиаль алдындағы оқу-жаттығу жиынына 21 ойыншы шақырту алған болатын. Дайындық процесінің бірінші кезеңі 5-18 тамыз күндері аралығында Алматыда өтіп, артынша 5 қыркүйекке дейін Астанада жалғасты. Ертеңгі Аргентина құрамасымен жолдастық кездесуден кейін команда дайындықты қорытындылап, Өзбекстанға аттанады.

Айта кетейік, биыл Әлем чемпионаты 14 қыркүйек пен 6 қазан күндері өтеді. Қазақстан құрамасы Испания, Ливия және Жаңа Зеландия құрамаларымен кездеседі.