US Open турнирінің екінші финалисі анықталды

7 қыркүйекте Нью-Йоркте әлемнің 12-ракеткасы америкалық Тейлор Фритц пен оның отандасы ATP рейтингінде 20-нөмірлі Фрэнсис Тиафо US Open-2024 турнирінің жартылай финалында кездесті, деп хабарлайды Prosports.kz .

Бұл кездесуде Фритц 4:6, 7:5, 4:6, 6:4, 6:1 есебімен жеңіске жетті.

Кездесу 3 сағат 18 минутқа созылды.

Финалда Тейлор Фритц британиялық Джек Дрэйперді жеңген әлемнің бірінші ракеткасы италиялық Янник Синнермен кездеседі.