Самородов пен Оразов Норвегияға қарсы ойнай ма?

6 қазанда футболдан Қазақстан құрамасы УЕФА Ұлттар лигасы аясында Норвегияға қарсы матч өткізеді, деп хабарлайды Sport Plus Qazaqstan.

Осы ойын қарсаңында Қазақстанның бас бапкері Станислав Черчесов журналистермен кездесіп, ойыншылардың дайындығы туралы айтты.

Атап айтқанда, бұған дейін жарақат алып, бірнеше ойынға қатыса алмаған Максим Самородов пен Рамазан Оразовтың алаңға шығу мәселесі сөз болды.

«Максимнің жарақаты Рамазанның жарақатынан ауырлау. Екеуі де құрамаға келді, жаттығу жасап үлгерді. Жарақатының қандай деңгейде екенін мен нақты айта алмаймын, бүгін кешке дәрігерлер тексеріп, соңғы сөзді сол мамандар айтады. Ойнауға болады десе ертең алаңнан көресіздер»,- деді Черечсов брифинг барысында.