US open: Америкалық теннисші әлемнің бірінші ракеткасын жеңді
![US open: Америкалық теннисші әлемнің бірінші ракеткасын жеңді](https://prosports.kz/upload/news/content//202409/201736_c97177b55c0c99153bea87975cef6e3c.webp?v=1725507400944?v=28762877)
Америкалық теннисші Джессика Пегула (WTA 6-орын) US Open турнирінің ширек финалдық кездесуінде әлемнің бірінші ракеткасы Ига Швентекті (Польша) жеңді, деп хабарлайды Prosports.kz.
1 сағат 29 минутқа созылған кездесу екі сетте 6:2, 6:4 есебімен америкалықтың жеңісімен аяқталды.
Пегула жартылай финалда чехиялық Каролина Мучовамен кездеседі.
US Open 26 тамыз бен 7 қыркүйек аралығында өтеді. Әйелдер арасындағы жекелей сында жалпы жүлде қоры 75 миллион долларды құрайды. Турнирдің қазіргі чемпионы былтырғы турнирдің финалында беларусь Арина Сабаленканы ұтқан америкалық Кори Гауфф.