Юсуф Ашрапов күрестен әлем чемпионатының күміс жүлдегері атанды

Күрес түрлерінен Испанияның Понтеведре қаласында өтіп жатқан 20 жасқа дейінгі спортшылар арасындағы әлем біріншілігінде Қазақстан қоржыны күміс медальмен толықты, деп хабарлайды Prosports.kz тілшісі Olympic.kz сайтына сілтеме жасап.

Грек-рим күресінен 67 келіге дейінгі салмақ дәрежесінде сынға түскен Юсуф Ашрапов финалда жеңіліс тапты.

Ол ақтық сында ирандық Ахмедреза Мохсен Нежадтан 2:0 есебімен ұтылды.

Осылайша, Ашрапов әлем біріншілігінің күміс медалін иеленіп отыр. Бұған дейін қазақстандық "классиктер" Испания бозкілемінен 3 қола медаль жеңіп алған болатын.

Фото: UWW