Жәнібек Әлімханұлының келесі жекпе-жегі қашан өтетіні жарияланды
![Жәнібек Әлімханұлының келесі жекпе-жегі қашан өтетіні жарияланды](https://prosports.kz/upload/news/content//202409/203991_c84bccaaa90bf8cf520fc36e5b89a273.jpeg?v=28762998)
WBO және IBF тұжырымдары бойынша орта салмақтағы әлем титулдары үшін қазақстандық Жәнібек Әлімханұлы мен жаңа зеландиялық қарсыласы Андрей Михайлович арасындағы жекпе-жек биыл күзде өтуі мүмкін, деп жазады Prosports.kz.
Badlefthook.com сайтының мәліметінше, бұл жекпе-жек 19 қазанда АҚШ-тың Флорида штатындағы Орландо қаласында өтетін Тим Цзю – Бахрам Мұртазалиев шоуының бір бөлігі болуы мүмкін.
Еске салайық, бастапқыда қос боксшының шайқасы 13 шілдеге жоспарланған болатын, бірақ жекпе-жек қарсаңында Әлімханұлы салмақ қуу кезінде есін жоғалтып, ауруханаға түскен еді.
Спорт жаңалықтарын Telegram-нан оқы. Prosports.kz арнасына жазыл!